Category: Hikayat

Hikayat Teungku Japakeh

Hikayat Teungku Japakeh

Saleum ulôn tuan bri dari ujông samudra
Keu mandum syèdara di rata lungkiek sagoe
Na saboh hikayat nyang dibungkôh lam caritra
Keu haba peuingat rakan-rakan nanggroe

Na keuh Khoja Faqih Jalaluddin geupeumulia Rawue
Bak saboh masa di pucôk lueng Meureudu
Ngen rombongan Meuriam Lada Secupak geuhijrah u nanggroe
Asai dari Turki, ngen nan Teungku Japakeh meusyuhu di Meureudu

Awai kisah watee trôh Paduka Sultan Iskandar Muda
Teungku Japakeh ngen rakyat geutrön sigra
Tapi Paduka Raja bungèh leupah na
Pakôn baro inoehat trôh awak gata

Geuseuöt lee Teungku Japakeh ngôn mata hu su meutaga
Kamoe awai trôh lagee janji Tuanku Raja
Di keue Paduka Raja hana bèda
“Kacok boh gadông ngen boh birah, ureung han ek mutadarah bèk kapumeulia”

Sultan Iskandar Muda geulakee meu’ah
Ka geuteumee punca masalah
Ngen hatee mulia geuteurimông bantah
Bah nyak teupat janji nyang salah

Nyan keuh nyoe akhé nyata dari kisah
Beuhé leupah na Teungku Japakeh
Ngen Paduka Raja geutem seuöt bantah
Seumoga rakan-rakan mandum neupateh

Bak akhé kata na peulajaran
Ta côk hai aduen seubagoe pemikiran
Nyoe hikayat beujeut keu tauladan
Kiban ureung awai beuhé hana lawan

(Pineung 3. Eskişehir, 24062011, 07.01)

Hikayat Teungku Japakeh

Hikayat Teungku Japakeh

Saleum ulôn tuan bri dari ujông samudra
Keu mandum syèdara di rata lungkiek sagoe
Na saboh hikayat nyang dibungkôh lam caritra
Keu haba peuingat rakan-rakan nanggroe

Na keuh Khoja Faqih Jalaluddin geupeumulia Rawue
Bak saboh masa di pucôk lueng Meureudu
Ngen rombongan Meuriam Lada Secupak geuhijrah u nanggroe
Asai dari Turki, ngen nan Teungku Japakeh meusyuhu di Meureudu

Awai kisah watee trôh Paduka Sultan Iskandar Muda
Teungku Japakeh ngen rakyat geutrön sigra
Tapi Paduka Raja bungèh leupah na
Pakôn baro inoehat trôh awak gata

Geuseuöt lee Teungku Japakeh ngôn mata hu su meutaga
Kamoe awai trôh lagee janji Tuanku Raja
Di keue Paduka Raja hana bèda
“Kacok boh gadông ngen boh birah, ureung han ek mutadarah bèk kapumeulia”

Sultan Iskandar Muda geulakee meu’ah
Ka geuteumee punca masalah
Ngen hatee mulia geuteurimông bantah
Bah nyak teupat janji nyang salah

Nyan keuh nyoe akhé nyata dari kisah
Beuhé leupah na Teungku Japakeh
Ngen Paduka Raja geutem seuöt bantah
Seumoga rakan-rakan mandum neupateh

Bak akhé kata na peulajaran
Ta côk hai aduen seubagoe pemikiran
Nyoe hikayat beujeut keu tauladan
Kiban ureung awai beuhé hana lawan

(Pineung 3. Eskişehir, 24062011, 07.01)

Hikayat Cut Dek

Hikayat Cut Dek

Ta kalon tiep rata sagoe
Cut Dek teungôh meureunoe
Sikrak dua krak ilmei dipuwoe
Ban leuh jak kuliah di lua nanggroe

Teuma geutanyong lee Teungku di Balè
Kiban ilmei nyang dipeureunoe
Pakon meutamah ketat disôk bajè
Ka lagei aneuk dara lua nanggroe

Disu-öt lee Cut Dek bagah-bagah
Nyoe modèl lawét nyoe hai Teungku
Bak ilmei “fashion” na dipeugah
Jinoe tanyoe ta pakèk gaya abad dua puluh satu

(Pineung 2. Yağmur Evi, 13062011, 00.27)

Hikayat Peuneuphön

Hikayat Peuneuphön

Bak awai kata ngôn bismillah
Ta peuphön kata lam lidah
Bak akhe kata ngôn alhamdulillah
Ta pujoe pô sidroe Allah

Nyan keuh nyoe saboh hikayat
Ulôn tuan kheun lam tulésan
Seubab udép makén brat
Payah ta peuphui ngôn cahya iman

Na sidôm lam rata sagoe
Dimeusapat hana karu-karu
Lagee hatè lam rantoe
Bacut-bacut ka teuka rindu

Pikiran ulon tuan meucawoe
Hikayat ka gadöh barèh
Sikrèk-krèk tröh di nanggroe
Teuka ngôn peurasaan seudèh

Kakeuh sampè disinoe hikayat malam nyoe
Bah jeut keu peuneuphôn geutanyoe
Meu’ah ulon tuan lakee keu aduen-aduen rantoe
Bak Allah ta lakee beu aman nanggroe

(Pineung 1. Yağmur Evi, 08052011, 22.07)

Hikayat Peuneuphön

Hikayat Peuneuphön

Bak awai kata ngôn bismillah
Ta peuphön kata lam lidah
Bak akhe kata ngôn alhamdulillah
Ta pujoe pô sidroe Allah

Nyan keuh nyoe saboh hikayat
Ulôn tuan kheun lam tulésan
Seubab udép makén brat
Payah ta peuphui ngôn cahya iman

Na sidôm lam rata sagoe
Dimeusapat hana karu-karu
Lagee hatè lam rantoe
Bacut-bacut ka teuka rindu

Pikiran ulon tuan meucawoe
Hikayat ka gadöh barèh
Sikrèk-krèk tröh di nanggroe
Teuka ngôn peurasaan seudèh

Kakeuh sampè disinoe hikayat malam nyoe
Bah jeut keu peuneuphôn geutanyoe
Meu’ah ulon tuan lakee keu aduen-aduen rantoe
Bak Allah ta lakee beu aman nanggroe

(Pineung 1. Yağmur Evi, 08052011, 22.07)